'n Biddende gemeente wat haar verdiep in God se Woord

Raadpleeg asseblief die jaarprogram vir eredienstye

Ons gemeente se huidige standpunt oor die Belhar Belydenis:

In biddende afhanklikheid van God drie-enig en in vaste oortuiging van die leiding van Sy Woord en Gees verklaar die NG Gemeente Middelburg:

• Dat die politieke beleid van geforseerde skeiding op grond van ras, bekend as Apartheid soos reeds deur die NG Kerk bely, sonde is.
• Dat ons bereid is en onsself geroepe voel tot die herstel van rasseverhoudinge in ons invloedsfeer deur aktief versoening en eenheid na te streef.
• Ons verstaan die emosionele dryfveer agter die Belhar-belydenis teen die agtergrond van die politieke milieu van 1986 en die huidige behoefte aan kerkvereniging, maar ons kan op grond van die volgende redes dit nie as 'n addisionele belydenisskrif aanvaar nie:
  • Sover daar enkele sinsnedes of selfs woorde in 'n geloofsbelydenis is waarmee 'n individu of 'n kerk nie saamstem nie, dit die aanvaarding van die hele belydenis onmoontlik maak.
  • Ons is oortuig dat die Belhar-belydenis wel sinsnedes, begrippe en gedagtes bevat wat volgens die Gereformeerde Skrifinterpretasie strydig is met die Woord.
• Dat die gemeente dus die besluit van die Algemene Sinode om die Belhar-belydenis as een van die NG Kerk se belydenisskrifte te aanvaar, verwerp.
• Dat alternatiewe opsies vir kerkhereniging soos federale samewerking eerder as strukturele vereniging ondersoek word.
  

Ons word 150 jaar oud!

Die gemeente vier sy 150ste bestaansjaar in April 2017. Oud-Leraars en lidmate word vriendelik uitgenooi om vir ons te voorsien met foto's, staaltjies en nog meer vir die gedenkblad wat ons wil voorberei. Hou ook gerus hierdie spasie dop vir verdere inligting oor ons feesvieringe.

Kerkstraat 42B (Walter Sisulu)
Posbus 101, Middelburg, 1050.

Tjekrekening: ABSA 1040580022